Thursday, September 18, 2008
ദുബായില് മൂന്നംഗ മലയാളി കുടുംബം മരിച്ച നിലയില്
ദുബായ്: ദുബായില് മൂന്നംഗ മലയാളി കുടുംബത്തെ മരിച്ച നിലയില് കണ്ടെത്തി. കോഴിക്കോട് റെയില്വെ സ്റ്റേഷന് സമീപം താമസിക്കുന്ന കാട്ടുപീടികയില് മാധവന്റെ മകന് ഗിരീഷ്(29), ഭാര്യ ഷബിജ(22) മകള് ഗൗരിനന്ദ(ഒന്നര വയസ്സ്) എന്നിവരെയാണ് ദുബായ് ക്രീക്കില് മരിച്ച നിലയില് കാണപ്പെട്ടത്. മൃതദേഹങ്ങള് ദുബായ് റാഷിദ് ആസ്പത്രി മോര്ച്ചറിയില് സൂക്ഷിച്ചിരിക്കുകയാണ്. ദുബായ് ഡ്രൈഡോക്കിലെ ഒരു കമ്പനിയില് ഫോര്മാനായിരുന്നു മരിച്ച ഗിരീഷ്. ഷബിജയും ഡ്രൈഡോക്കിലെ ഒരു കമ്പനിയില് ജോലിക്കാരിയായിരുന്നു. സംഭവത്തെക്കുറിച്ച് പോലീസ് അന്വേഷണം ആരംഭിച്ചിട്ടുണ്ട്. മൃതദേഹങ്ങള് ശനിയാഴ്ച നാട്ടിലേക്ക് കൊണ്ടുപോകും. സാമ്പത്തിക പരാധീനതയെ തുടര്ന്ന് ആത്മഹത്യ ചെയ്യുകയായിരുന്നുവെന്നാണ് സംശയിക്കുന്നത്.